قصيده مدح في قبيله مطير

السلام عليكم ورحمة الله وبركاته

هذه قصيده مدح في قبيله مطير اتمنى انها تحوز على رضاكم

يقــول من يشــكر المعــروف بالقـــافي

قــاف بناه العريمـــه من هنـــاديبه

ياذيــب ما يدفن المعـروف بالســـافي

ياكـود عفـــنٍ رديـــــات مـــاذيبـه

قالوا لنا عشـــرة المطــران تنعــافي

واللي عرفنــا من المطـــران ياطيبــه

والله ما اصّــدق بعــرفي كل عـــرافــي

وانا من اللي عرفــهم من تجـــاريبــه

زرنا الشــمال ولقينا مكـــرم الـــلأفي

الصــاحب اللي عســى الأيــام تبطي به

لي بين واصــل وعلوى صـــاحب صـــافي

ومعــارف ما بهم شـــــك ٍ ولا ريبـــه

علوى هل الصيــت الأبيض والمثل كــافي

وواصل من اطيب قبايــل نجــد ندري بــه

منهم عشــيري ســعود الأول الــوافــي

وســعد وابوهم على وضــح النقى شــيبه

وعبداالله العيــد له بالجــود ميقــافي

عشـيري هو اللي له الثــاني بتــرتيبه

ربعٍ وفــاهم لنــا ملمـــوس ويشــــافي

ومن عــز نفســـه وربعه عز اصـــاحيبه

وحمــد عقيــل فداه القــادر الخــافي

ليا قـال قـولٍ عريب الســـاس يـافي به

وعاشــرت منهم رجــل مابهم جــافــي

ما فيهم اللي تــردى عــن مواجيبــه

الكـل منهـم بعيد شــــبوح وســـنافي

لو قالوا النــاس ماخـذبه ولا اعطي به

لمطيــر عندي شــهادة حــق وانصـــافي

قـول على فعــل والعـالم تغنــي بــه

كـون العــوارض فريٍد مــاله اوصافي

مع شـيخ شـمر ولا طــاعوا منــاديبه

يوم الرقيبــه رقى في راس مشـــرافي

قال اعتــزوا يالعوارض شــفت لي ريبه

وفـازوا بيــوم به الأريـــاق نشـــافي

من طلعت الشــمس لين انحــت لتغــريبه

وســبع العبيــات منهم شـــاف ما عافي

على الخليفــه وطشـــوا من مـــراكيبه

بمســـلبات لهـــن بالقــاع رجــــافي

مـن كـل شــبلٍ عطيبــاتٍ مضـــاريبـــه

وابن معلــث شـــريف الســـالفه لافــي

اللي جــلىا مع ضيوفــه عن معـــازيبه

عقيـد جيـشٍ يحـوفـن حــم الأشـــعافــي

كم شـيخ قومٍ كفــى مليــا مشــــاريبه

يامطيـر ياطيبكم ما اطيــع ا|لأجحــافي

وهرج العرب ضدك مااسمع به ولا اوحي به

والناس فيهم هلل واربــاع وانصـــافي

وفيهم كــامل تنقـــص مطـــاليبـــه

ياسـاتر العيــب يالله سـترك الضـــافي

الله من اللي يعيــب النــاس في عيبــه

لو فتشــوا به لقوا به حدر الأظــلافي

عيب يجي به جديــد وعيب مبطــي بــه

تمـت ورد الثنــا من طبع الأشـــرافي

واللي يــذم ويعم الناس والخيبـــه


الشــاعر : حبيــب بن عــواد العريمه الحربي


تحياتي لكم





صـــــــقــــــر الـــــغـــــواريـــــه

الموضوع الأصلي: قصيده مدح في قبيله مطير || الكاتب: صقر الغواريه || المصدر: غرابه

www.ghurabh.com

كلمات البحث

العاب ، برامج ، سيارات ، هاكات ، استايلات

صح اللسان الشاعر حبيب وبيض الله وجه على القصيده وعد الحق

صقر الغواريه أسم على مسمى


لاهنت يالقرم

تقبل مروري ومداخلتي

الله يسلمك ياابونايف ولاهنت على المرور

غيث هو أحساسك وأنتقائك
ألف شكر لكِ

ولاعدمنا تألقك .

العفووو ياوصالك ولاهنت على المرور الرائع

الله يعافيك

يازهره العلا

صح لسااااان الشاعر

والله يعطيك العافيه على النقل

اسمح لي بنقل الموضوع للقسم المناسب

صــح لسـان الشاعر

وبيض الله وجهك

ياصقــر الـغــواريـــه


ولاهنت على الطــرح المميــز

ووجهك يامــــازن الــغـــويــري


و لاهنت عـلـى الـررد الــرائـع